by Norbusamphel from India

མ་འགྲོ་རོགས།

ཡིད་འཕྲོག་ང་གཉིས་དབར་ལ།། བརྩེ་དུང་པདྨ་དཀར་པོ།།
སྔོན་གྱི་ལོ་ཟླའི་ནང་ལ།། དྲན་གསོའི་མེ་ཏོག་བཞད་ཡོད།།

སྤྱན་མིག་ཀྲི་གའི་འོག་ལ།། བརྩེ་དུང་མིག་ཆུ་འཁོར་འདུག །
ཞལ་རས་པད་མའི་སྡོང་པོར།། སྐྱོ་བའི་གཡུ་སྦྲང་འཁོར་འདུག །

ཁྱེད་རང་ང་ཡི་སེམས་ནང་གི་ལྷ་མོ།། ཁྱེད་རང་ང་ཡི་སེམས་ནང་གི་ཡིད་འཕྲོག །
བུ་ང་གཡུག་ནས་མ་འགྲོ།། བུ་ང་བཞག་ནས་མ་འགྲོ།།

ཁྱེད་རང་མ་འགྲོ་རོགས་གནང་། བུ་ང་མཉམ་དུ་བཞུགས་རོགས།།
དེ་རིང་མཚན་གང་སྡོད།། ངེད་གཉིས་སྐད་ཆ་སྙན་པོ་གཅིག་བཤད་ནས་བསྡད་དགོས།།

གལ་སྲིད་ཁྱེད་རང་ཕྱིན་ན།། བུ་ང་གནས་ཐབས་མི་འདུག །
བྱས་ཙང་དགོངས་པ་བཞེས་ནས།། གཏན་དུ་བཞུགས་རོགས་གནང་དང་།

ཡུན་ནས་ཡུན་དུ་བཞུགས་དང་། ངའི་སེམས་ནང་གི་མེ་ཏོག །
ཁྱེད་རང་འབྲལ་མེད་ངང་ནས།། བུ་ངའི་འགྲམ་དུ་བཞུགས་རོགས།།