by Norbusamphel from India

ཨ་མའི་རྣམ་ཤེས་མིན་ནམ།
དྲིན་ཆེན་གྱི་ཨ་མ་ལགས།། སྙིང་གི་དབུས་ནས་དྲན།།
ངའི་ཨ་མ་ཕྱི་མའི་ལམ་དུ་ཞུགས།།
ཆུང་དུས་བསམ་བློ་མ་མཐོང་། ཨ་མའི་བཀའ་ལ་མ་བརྩིས།།
ད་ཆ་ཨ་མ་མཇལ་རྒྱུ་མི་འདུག །
ཨ་མ་གང་དུ་ཡོད།། བུ་ངས་དྲན་བཞིན་ཡོད།།
ངའི་དྲིན་ཆེན་ཨ་མ་ལགས།
གནམ་ལ་འཕུར་བའི་བྱ་འདི།། ཨ་མའི་སྐྱེ་བ་མིན་ནམ།།
གནམ་སྔོན་པོའི་སྤྲིན་དཀར་འདི།། ཨ་མའི་རྣམ་ཤེས་མིན་ནམ།།
ངའི་དྲིན་ཆེན་ཨ་མ།། ད་ཆ་ཁྱེད་རང་ག་བར་ཡོད།།
ཁྱེད་རང་དྲན་བཞིན་ཡོད།། ཁྱེད་རང་སྒུག་ནས་བསྡད་ཡོད།།
ངའི་དྲིན་ཆེན་ཨ་མ་ལགས།
བུ་ངའི་སྐྱོ་གླུ་དེ།། ཨ་མ་ཁྱེད་ཀྱིས་གསན་བྱུང་ངམ། །
ང་རང་མིག་ཆུ་ཤོར་དུས།། ཨ་མ་ཁྱེད་ཀྱིས་གཟིགས་བྱུང་ངམ། །
ཕྱི་མ་དག་པའི་ཞིང་དུ།། བདག་གི་ཨ་མ་མཛོད་དང་། །
ད་ཆ་བུ་ཆུང་ང་ཡིས།། དྲིན་ལན་འཇལ་ཆོག །
ཨ་མ་གང་དུ་ཡོད།། བུ་ངས་དྲན་བཞིན་ཡོད།།
ངའི་དྲིན་ཆེན་ཨ་མ་ལགས།
གནམ་ལ་འཕུར་བའི་བྱ་འདི།། ཨ་མའི་སྐྱེ་བ་མིན་ནམ།།
གནམ་སྔོན་པོའི་སྤྲིན་དཀར་འདི།། ཨ་མའི་རྣམ་ཤེས་མིན་ནམ།།