by Norbusamphel from India

མཛའ་གཅུགས་ཡིད་ཀྱི་མེ་ཏོག
ཁྱེད་དང་མཇལ་བ་ང་ཡི་བསོད་ནམས་ཡིན།། ཁྱེད་ནི་སེམས་བཟང་ཅན་གྱི་ཕོ་གཞོན་རེད།།
བློ་སྟོབས་ཅན་གྱི་ཕོ་རྒོད་རེད།། ང་གཉིས་མཉམ་དུ་མི་ཡུལ་འདི་རུ་འཛོམས།།
མི་ཚེའི་སྙིང་པོ་བདེ་ཞིང་སྐྱིད་པའི་ངང་།།

ནམ་མཁའི་བླ་མ་དཀོན་མཆོག་མཁྱེན།། ང་རང་གཉིས་ཀྱི་ལས་ལ་བར་ཆད་མེད་པར་ཤོག །
ནམ་ཡང་འགྱུར་བ་མེད་པ་ཡི།། མཚོ་དང་ངང་པ་ནང་བཞིན་མཉམ་དུ་གནས།།
ང་གཉིས་བཙེ་བ་གཏན་དུ་གནས་པར་ཤོག །

ཁྱེད་དང་ང་གཉིས་མཉམ་དུ་འཛོམས་པ་འདི།། ཚེ་སྔོན་ལས་དང་སྨོན་ལམ་བཟང་པོའི་དྲིན།།
ཁྱེད་དང་མཇལ་བ་བསོད་ནམས་ཡིན།། ཁྱེད་ནི་མཛེས་སྡུག་ལྡན་པའི་ལྷ་མོ་དང་།།
བཙེ་ལྡན་ངང་རྒྱུད་རིང་བའི་མཛངས་མ་ཡིན།།

ནམ་མཁའི་བླ་མ་དཀོན་མཆོག་མཁྱེན།། ང་རང་གཉིས་ཀྱི་ལས་ལ་བར་ཆད་མེད་པར་ཤོག །
ནམ་ཡང་འགྱུར་བ་མེད་པ་ཡི།། མཚོ་དང་ངང་པ་ནང་བཞིན་མཉམ་དུ་གནས།།
ང་གཉིས་བཙེ་བ་གཏན་དུ་གནས་པར་ཤོག །

ང་གཉིས་འཆམ་མཐུན་ལྡན་པའི་འཚོ་བ་འདི།། ཁྱེད་ཀྱི་ནམ་ཡང་ཐུགས་ལ་བཞག་རོགས་གནང་།།
ཁྱེད་དང མཇལ་བའི་སྐལ་བཟང་འདི།། ནམ་ཡང་གཏན་དུ་གནས་པའི་ཆེད་དུ།།
འགྱུར་མེད་དམ་བཅའ་ནམ་ཡང་སེམས་ལ་ཡོད།།

ནམ་མཁའི་བླ་མ་དཀོན་མཆོག་མཁྱེན།། ང་རང་གཉིས་ཀྱི་ལས་ལ་བར་ཆད་མེད་པར་ཤོག །
ནམ་ཡང་འགྱུར་བ་མེད་པ་ཡི།། མཚོ་དང་ངང་པ་ནང་བཞིན་མཉམ་དུ་གནས།།
ང་གཉིས་བཙེ་བ་གཏན་དུ་གནས་པར་ཤོག །